Sóster tumé, vevérki, dásave lošalé san

Concursul internațional de creație literară și traduceri „Bronislawa Wajs” (ediția a III-a, 2020).

E vevérka te o ruv 

E vevérka uxtélas rukhéster pro rukh te pejá mamúj pre suté ruvéste. O ruv uxtjá pro herá te kam’já la te-xál. E vevérka lîjá temangél:
– Mek man.
O ruv phendjá:
– Mištó, me mekáva tut, tól’ko tu phen mánge, sóster tumé, vevérki, dásave lošalé san. Mánge sa tánges, a pre tuménde dîkháv, tumé doj upré sa khelén te uxtén.
E vevérka phendjá:
– Mek man angledîr pro rukh, a docîr túke phenáva, bo me daráv túter.
O ruv mek’já, a vevérka gejá pro rukh te odocîr phendjá:
– Túke odoléster sî tánges, kaj tu xoljamó san. Túke e xolí o iló xačkirél. A jamé lošalé sam doléster, kaj na sam xoljamé te ni konéske o fuipén na kerás.

SOLDATENKO VASSILIY